شعبہ دعوت و تبلیغ جمعیت اہل حدیث سندھ کا ایک اہم ترین شعبہ ہے،عوام الناس کی تعلیم وتربیت اوران میں اللہ اوراس کے رسولﷺ کی محبت پیداکرنا،نیکی رغبت اورگناہوںسے نفرت دلانا بالخصوص دعوت توحید وسنت اور ردِشرک و بدعت اس شعبہ کے قیام کے بنیادی مقاصد ہیں۔الحمدللہ سالانہ کانفرنسوں ،ماہانہ اجتماعات اورپندرہ روزہ وہفتہ روزہ یومیہ دروس کا سلسلہ سندھ بھر میں جاری وساری ہے۔کچھ تفصیل درج ذیل ہے۔
جمعیت اہلحدیث سندھ کے سینکڑوں مراکز میں مستقل بنیادوں پر ماہانہ تحقیقی واصلاحی دروس و پروگرامز منعقد ہورہے ہیں اکثرمقامات پر دروس کے بعد سوالات وجوابا ت کی نشست بھی ہوتی ہے ،جس میں عوام الناس کے سوالات کے جواب دئیے جاتے ہیں اسی طرح عوام الناس کو جماعت کے جید علمائے کرام سے ملنے اوران سے علمی استفادہ کے مواقع میسر ہوتےرہتے ہیں،ان پروگراموں کے ان علاقوں میں بڑے اچھے اثرات ہیں،دعوت توحید وسنت خوب وخوب پھیل رہی ہے ،لوگ حق کو سمجھ کر قبول کررہے ہیں۔مسلک اہلحدیث کے متعلق بدگمانیاں ختم ہورہی ہے،لوگوں کی اصلاح وتربیت ہورہی ہے ۔
سینکڑوں مراکز ایسے ہیں جہاں ہفتہ وار درس ہوتےہیں (اگرچہ مختصر ہی سہی)ان ہفتہ وار دروس کے بھی بڑے اچھے اثرات ہیں،ان دروس میں بنیادی طور پر مقامی افراد ہوتے ہیں،عام طور پر ان دروس میں ترجمہ ،ریاض الصالحین،عقیدہ اور سیرت کی کتب پر سلسلہ وار درس ہوتا ہے یا پھر عمومی اصلاحی بیان ہوتا ہے ان دروس میں زیادہ ترمقامی علماء کے ہی خطابات ہوتے ہیں۔
جمعیت اہلحدیث سندھ نے تقریباً 104علماء کرام کو دعوت وتبلیغ کیلئے باقاعدہ مقرر کر رکھاہے جو اپنے اپنے مخصوص ومقررکردہ علاقوں میں ہی دعوت وتبلیغ اور اصلاح معاشرہ میں مصرو ف عمل رہتے ہیں اور اپنے مخصوص علاقے میں جماعتی احباب سے رابطہ میں رہتے ہیں اور باقاعدہ پہلے سے طے شدہ شیڈول کے مطابق مختلف مساجد کا دورہ کرتے ہیں اوردین کی بنیادی باتوں اور مسائل پر درس دیتے ہیں۔
بحمداللہ تعالی جمعیت اہل حدیث سندھ ایک علمی منہجی تحریک ہے ،دعوت وتبلیغ اس کا ایک اہم ترین شعبہ ہے ،بلکہ سب سے منظم اوروسیع شعبہ ہے سینکڑوں علماء کرام شعبہ دعوت وتبلیغ سے وابستہ ہیں،یہ علماء کرام انتھائی اخلاص اورلگن سے خدمت قرآن وحدیث اوردعوت توحید وسنت او ر اصلاح معاشرہ میں مصروف عمل ہیں۔ فجزاھم اللہ خیرا عن الاسلام والمسلمین
تحدیث نعمت اوران علماء کرام سے اظہار تشکر کیلئے جمعیت اہل حدیث سندھ کے مشہور ومعروف دعاۃ ومبلغین کے نام ذیل میں دیئے جارہے ہیں،یہ وہ علماءکرام ہیںجو سندھ بھر میں ہر وقت دعوت وتبلیغ میں مصروف عمل رہتے ہیں،جو سالانہ کانفرنسوں اور ماہانہ دروس کی زینت ہیں۔