ازلی دشمن

                                ازلی دشمن

جہاں میں ہے شیطاں، ابن آدم کا دشمن                                         دعوتِ معصیت میں، وہ ہے رہتا مگن

ابن آدم ازل سے شیطاں کا ہدف ہے                                            ابن آدم سے ہرپل، اس کو ہے بس جلن

سوء و بد کو ہے دیتا خوش نمائی کی صورت                                 اس کو آتا ہے ازحد ملمع سازی کا فن

اس کا مکر و دجل، پر خطر ہے بہت                                           ورغلاتا ہے بن کر، خیرخواہ وسجن

وار کرتا ہے وہ، مخفی انداز سے                                               ہر کسی کو ہے کرتا، مبتلائے فتن

اس کا مقصد یہی ہے، حق سے ہٹ جائیں لوگ                               اپنے مقصد کی خاطر، وہ ہے کرتا جتن

رب کا عاصی ہے وہ، خود پسندی پہ نازاں                                   اس نے ٹھکرادیا، رب کا امر و اذن

رب کی لعنت کا پھر، مستحق بن گیا                                            عنقریب وہ بنے گا، جہنم کا ایندھن

جس نے کی اتباع، شیطاں کی یہاں                                           آخرت میں جہنم، اس کا ہوگا سکن

راہِ شیطاں پہ نہ چل، تو کبھی اثریؔ                                          چاہتا ہے اگر تو آخرت میں امن

About حافظ عبدالکریم اثری

Check Also

الدنیاسجن المؤمن دنیا مومن کاقیدخانہ

اہل ایماں کا ہے یہ جہاں قیدخانہ ان کی ہوتی نہیں ہے، زندگی آزادانہ اپنی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے